上樓 (已結業)

早幾日約了幾個朋友出來預祝我的生日，本來打算去，但看完食評感覺唔多好，最後決定了來這裏。我們五個人叫了個六人套餐，包括有江南冷盤(肴肉、雞絲粉皮和花雕醉雞)、松子鮭魚、砂窩雲吞雞、宮爆明蝦球、雪菜肉絲炒年糕、鮮菇瑤柱扒豆苗、清燉獅子頭、蟹粉小籠包、京式蔥油餅和甜品。肴肉- 味道都唔錯，幾好。雞絲粉皮- 麻醬好濃，粉皮又好滑，我就幾喜歡，可惜雞絲就少了點。花雕醉雞- 花雕味香濃，都算幾好。松子鮭魚- 炸得好脆，醬汁味道也很好，但就比較細條。砂窩雲吞雞- 湯味幾濃，雲吞味道幾好，可惜雲吞得六粒，唔多夠喉。宮爆明蝦球- 少少辣，蝦肉很新鮮又彈牙，唔錯。雪菜肉絲炒年糕- 年糕炒得唔入味，今晚比較差的一樣。鮮菇瑤柱扒豆苗- 本來豆苗都很新鮮，可惜個杰汁太濃，影響豆苗的味道。清燉獅子頭- 清清，但味道一般。蟹粉小籠包- 蟹粉味香濃，肉質很好，只可惜個皮比較厚了點。京式蔥油餅- 炸得好脆，味道一般。價錢唔貴，味道都唔錯，可以一試，而且又不用加一。多謝朋友這樣有心約我出來食飯，謝謝！