鯉魚門海鮮酒家

營業中

休息中

男朋友生日去鯉魚門慶祝食海鮮🤩🤩因為男朋友細細個成日都去鯉魚門食開呢間，所以同我哋去試吓椒鹽瀨尿蝦 ❤️❤️❤️❤️❤️佢呢個瀨尿蝦真係世界級好食 整到啱啱好唔會太乾身之餘，又食到椒鹽嘅香味，個個食完舐晒手指讚不絕口👍🏻因為當日我哋揀嘅瀨尿蝦又膏，所以食落去更香🤩蒜蓉蒸元貝❤️❤️❤️❤️佢個蒜蓉同埋香油都配搭得10分好，美中不足係個豉油唔係太鹹，所以食落好似冇乜味。淨係食到鮮味。如果可以鹹返少少就好啦。豉椒炒蟶子 ❤️❤️❤️❤️❤️勁香嘅豆豉味，啲聖子完全吸收晒啲豉椒嘅味道。同埋好脹卜卜食得出好新鮮👍🏻味道啱啱好 撈飯一流🤤🤤野生黃皮老虎斑 ❤️❤️❤️❤️❤️呢條魚係姐夫推介👍🏻👍🏻真係冇介紹錯 令我男朋友唔食魚都覺得好味👍🏻佢啲魚肉又滑柔嫩之餘仲好有嚼口，同埋魚油味好出，配搭酒樓嘅蒸魚豉油真係食多幾碗飯🤩😍芝士焗龍蝦伊麵❤️❤️❤️❤️呢個真係覺得非常之好 佢啲龍蝦都係脹卜卜好入味啖啖咬落去都有芝士嘅香味同埋龍蝦嘅鮮甜 而且個伊麵都唔會太乾身焗到 不過食得多真係太漏😂下次會叫返上湯穩陣啲👍🏻👍🏻👍🏻👍🏻整體嚟講都幾滿意嘅一餐，啲海鮮我哋係喺入面魚檔嗰度嗌完之後佢會問返你邊間餐廳拎過去俾佢哋加工，我個人覺得可以喺出面買啲海鮮