Cafe, Hyatt Regency Tsim Sha Tsui

營業中

休息中

3月真係成個月都不停食食食, 生日又點少得食自助餐, 今次車車揀左上年都有食過嘅尖沙咀凱悅酒店咖啡廳, 喜歡佢嘅環境同裝修風格, 以木色做主調, 加上樓底高, 空間感好大, 坐得幾舒服! 而車車最中意嘅地方就係一場食足4個鐘由6點食到10點, 唔趕之餘仲可以慢慢食, 慢慢傾! 食物質素依然, 而且refill得好快, 每個區域都劃分得好好, 好齊整! 仲有一樣最中意嘅就係佢地嘅天然維他命水, 用左水果同薄荷葉製作, 清涼清涼～岩哂唔中意飲無味水嘅車車整晚嘅焦點當然落係龍蝦, 有新鮮即烚活龍蝦亦有燒龍蝦, 唔同嘅煮法有唔同嘅好味, 車車就喜歡即烚活龍蝦, 肉質新鮮爽甜, 好juicy, 車車都唔知拎左幾多次!除左龍蝦, 係冰鎮海鮮區仲有大量海鮮包括越南海蝦／加拿大海螺／新西蘭青口／松葉蟹腳／沙白, 旁邊仲有自選沙律吧同多款芝士凍肉, 最有特色嘅一定係中式冷盤例如花雕醉雞翼同涼拌雲耳, 當然仲有壽司同多款刺身!熱葷方面有燒烤/鐵板燒/天婦羅／中式燒味／中式小菜／湯品／麵食／印度菜等等, 佢地嘅燉湯真係相當高質, 超足料又好飲, 車車拎左勁多碗!甜品方面款式都幾多, 例如招牌千層酥／桂花啫喱