東海堂 Bake‧ Drink (港鐵荃灣站)

營業中

休息中

是日朋友仔一年一度牛一大日子，放工拿拿臨趕入荃灣幫佢慶祝！到荃灣站先醒起未買生日蛋糕，行過咁啱見到東海堂，啲蛋糕又幾靚仔就買左個，希望朋友鍾意啦😌最後揀左呢個芒果·味惑！雖然有好多抹茶、西瓜、蜜瓜、柚子呢啲期間限定口味，但考慮到壽星女口味，揀左佢鍾意嘅芒果～講返個蛋糕：最上層係芒果粒同少量士多啤梨同藍莓，可能因為係夏天，芒果都夠甜，無咩酸味。至於第二層，買個陣我仲以為係芒果，原來係芒果啫哩😆有少少失落感。再落就係芒果慕斯蛋糕，食唔係幾到沖繩芒果蓉，但都算好食唔漏唔太甜。整體就係有少少鬆散，但連鎖麵包舖應該都係咁上下質素。睇落靚仔四正，食落又ok，最緊要壽星鍾意P.S. 匯豐信用卡有折！