美心西餅 (已結業)

今日初四團拜加肥髀同學仔生日會，一班小朋友玩咗一輪，之後就切蛋糕，生日蛋糕係連鎖店蛋榚，有手挽嘅白色紙盒堅挺，蛋榚賣相幾靚奇脆系列--情迷芒栗：整個圓形蛋糕唧滿栗子茸，蛋糕頂再放了芒果肉同士多啤梨，賣相簡單又清新！因為蛋榚中央有脆脆層變得好難切，切完出品都散晒，食落就幾好味，原味蛋糕鬆軟微甜，脆脆層係朱古力黏住，增加咬口，頂放及夾層水果爽甜，栗子茸多，味道偏甜！整體好味！連鎖店出品水準穩定！無驚喜但唔會差！