柴門西餐廳

營業中

休息中

生日就梗係搵個理由食好西啦！不過而家疫情爆得好犀利，去旺區食o野又唔係好安全咁，始終人流太多啦。又想食得滿意又想放心，自不然諗到柴門。上幾次o黎到都遇唔倒牛柳，好回味，今次即管試吓有無得預留牛柳，店家好友善，願意安排餐牌以外菜式，提一提大家，法式油封鴨腿都有得預留。湯係蘑菇湯，仲有麵包同埋有橙汁o既春卷沙律。麵包好軟熟又實在，配上濃濃蘑菇味又夠熱o既蘑菇湯好出色。每次o黎呢度食沙律，除o左用料新鮮外，個 dressing 都係用生果造成，效果就係食落好清新唔會油膩（年紀大愛養身，放落肚要好味亦要對身體好）。主菜係阿根廷牛柳，有一段日子無食佢o既牛柳，無令我失望。油脂低但肉味重，而且亦都腍身唔會鞋，再加上個面有少少焦同脆身，加埋好好味，唔駛點汁都足夠啦。Happy Bday to me~ 甜品我揀左辣椒朱古力餅，香濃朱古力配上一點辣，食多件都仲得。另外，屋企人今次嗌o左法式煎焗鮮鴨胸 跟 煎鴨肝，估唔到法國鴨胸可以咁多肉，而且好重肉味，唔知我以為食緊鵝呀。員工有禮充滿笑容，除左環境舒服傾倒偈，食物好味（要持續保持質素唔係易事），員工服務亦佳，都好難唔做回頭客。