龍泉私房菜

營業中

休息中

幾年前曾經在尖沙咀都食過，今次遇上朋友生日，加上聽聞已搬遷官塘。 上到去果然與尖沙咀有所對比，地方闊落，全新裝修，實在大開眼界。食物依然保持水準，不失功夫。講起生日‘豪宴’，這次揀左龍蝦燕窩海鮮餐先黎介紹幾味餸：生拆蟹肉扒金山勾翅，份量十足，湯底夠鮮，食得出無味精。芝士龍蝦伊麵底，龍蝦夠新鮮配上芝士一流。原隻鮑魚扣山珍海味，果然是盤中裝珍珠，按人頭每人一隻鮑魚，仲有花膠海參花菇。天下第一雞，果然是天下第一，雞皮粘滿芝麻，皮脆肉滑。招牌三式蝦，我最愛，尤其系果個芝士蝦丸，一咬芝士溶口。清蒸游水海星斑，時間蒸得剛好，食得出新鮮感。粉絲蒸元貝， 大隻得來夠新鮮。仲有瑤柱扒菜心同炒飯都ok。最受人氣的系杏仁燕窩，系我地女士最愛。