影片
更多
2020-03-24
1186 瀏覽
【🎂生日飯好味推介 - 鐵板燒專門店】🐷🌱💭大家好, 我叫草草! 2月14號正式成為豬仔家族嘅一分子! 為左慶祝我生日, 爸爸媽媽帶左我同我老公(農夫豬) 食鐵板燒!! 午餐時段會較平, 最平只需$178, 就有牛有魚有炒飯, 仲係套餐(沙律, 麵鼓湯,蒸蛋及甜品) 同晚市一樣照舊一廚負責一台客, 可以望住廚師即叫即整! 而一台隔開位坐, 最多兩pairs人一台, 而且係熱食, 尚算安全! 🐷🐷💬1⃣ 💚松: 白鱈魚+薄燒牛肉 +套餐(炒飯, 沙律, 麵鼓湯,蒸蛋及甜品) $178老豆叫左呢個超抵食套餐! 先嚟沙律同蒸蛋, 酸酸甜甜嘅沙律幾開胃, 仲有番茄仔! 蒸蛋夠熱! 少少咸咸地, 有肉粒, 菇仔同蟹柳，好足料! 一路食一路望住廚師整條魚同牛肉, 配埋兩粒翠肉瓜! 由於落左牛油同調味, 鱈魚同牛肉好夠味唔使再點汁, 而且充滿肉汁! 最正係薄燒牛肉咬得一啲都唔會難咬同鞋! 更唔會有喳! 牛肉仲卷住左好多蔥粒, 一啖啪入口非常香口好食! 而鱈魚塊魚皮又係冇得輸! 煎到脆卜卜連埋魚肉一齊食, 正! 最後食到咁上下望住師博炒埋個飯, 同時上埋個湯, 原先仲想講條魚唔係好多肉, 牛肉
🐷🌱💭大家好, 我叫草草! 2月14號正式成為豬仔家族嘅一分子! 為左慶祝我生日, 爸爸媽媽帶左我同我老公(農夫豬) 食鐵板燒!! 午餐時段會較平, 最平只需$178, 就有牛有魚有炒飯, 仲係套餐(沙律, 麵鼓湯,蒸蛋及甜品) 同晚市一樣照舊一廚負責一台客, 可以望住廚師即叫即整! 而一台隔開位坐, 最多兩pairs人一台, 而且係熱食, 尚算安全!
🐷🐷💬1⃣ 💚松: 白鱈魚+薄燒牛肉 +套餐(炒飯, 沙律, 麵鼓湯,蒸蛋及甜品) $178
老豆叫左呢個超抵食套餐! 先嚟沙律同蒸蛋, 酸酸甜甜嘅沙律幾開胃, 仲有番茄仔! 蒸蛋夠熱! 少少咸咸地, 有肉粒, 菇仔同蟹柳，好足料! 一路食一路望住廚師整條魚同牛肉, 配埋兩粒翠肉瓜! 由於落左牛油同調味, 鱈魚同牛肉好夠味唔使再點汁, 而且充滿肉汁! 最正係薄燒牛肉咬得一啲都唔會難咬同鞋! 更唔會有喳! 牛肉仲卷住左好多蔥粒, 一啖啪入口非常香口好食! 而鱈魚塊魚皮又係冇得輸! 煎到脆卜卜連埋魚肉一齊食, 正! 最後食到咁上下望住師博炒埋個飯, 同時上埋個湯, 原先仲想講條魚唔係好多肉, 牛肉就4粒點夠飽! 點知差啲食唔晒D飯! 份量其實好夠架!!
🐷🐷💬2⃣🧡鐵: 車海老+北海道貝柱+厚燒牛肉+套餐(炒飯, 沙律, 麵鼓湯,蒸蛋及甜品) $328
媽媽就叫左海鮮餐, 前菜蒸蛋同其他套餐一樣, 分別就係主菜有大蝦, 帶子同厚燒牛肉!!大蝦雖然得一隻, 但會開邊拆殼，同埋都幾大隻, 煎得好香口! 連蝦頭啲膏都唔放過!! 而帶子都好大粒, 有3粒, 每粒都擺得好靚, 有翠肉瓜墊底, 食落唔痴牙,! 當然淨係食海鮮係食唔飽啦, 塊厚燒牛肉一塊切開6粒上, 一口牛咁, 相對薄燒牛肉當然更有口感同肉汁更豐富, 加埋蒜片一齊食仲正!! 但個人都係鍾意薄燒連埋啲蔥食多啲!🤪 你地又會鍾意邊款牛呢？
🐷🐷💭而甜品原本就係一個餐跟一個雪糕仔, 就我哋預先講定草草🐷🌱生日, 就上左呢個特別嘅生日甜品! 雪糕泡芺! 食落似係燒過嘅湯丸🤪打卡都幾靚架, 拍得住生日蛋糕, 味道都正常啦!! 份量4粒, 如果有多幾粒就更好啦!😚
張貼
