熨烤達人 (已結業)

有朋友11月頭生日，佢話想食韓燒，咁我咪上OpenRice 睇下有咩好介紹，最後決定去荷里活廣場既熨烤達人試下。一早訂左位，到預定時間即可以入座，坐低之後店員問我地有冇食過，我地話第一次食，咁佢就推介左好幾款比我地，最後我地試左個「濟洲黑毛豬」，話係每日限定得幾份，唔係妳想食就有，雖然價錢係幾貴，但味道真係唔錯，比時我係唔食肥肉既，但佢食落又可以喎。另外仲有叫左雞翼、五花肉，味道可以但冇乜特別，所以連想都冇影。但值得一提既係佢既泡菜，味道好好。另外仲叫左個「自暴自棄速食麵」，亦都係店員推介。我地係差唔多燒完d食物先再叫呢個麵，店員問我地仲有冇嘢未嚟，我就答佢仲差個自暴自棄，佢個名得意令人印象深刻。連隔離枱個小朋友見到，都同個爸爸講：有車車呀～～～我兩個朋友有Facebook 所以有梳打送，但我冇，所以我就叫左個沙冰飲，幾靚隔離個杯就係送既梳打，比錢同送既真係差好遠。之前睇過有人話店員服務態度好，亦有話差，而呢次食飯我地幾個朋友都覺得好好，個個都有笑容，講解又清楚所以會再去食。