影片
更多
2021-11-10
31 瀏覽
生日飯約咗朋友食烤魚！本身超期待，點知嗰日我哋太夜去到冇晒烤魚😭最終就食咗酸菜底嘅大雜燴不過都十分之滿足！酸菜湯底本身已經相當濃厚，上面加嘅配菜譬如係海帶芽菜絲豬紅等等就超級索味！！唔滿足嘅我哋當然叫埋啲串燒同埋小食來過足口癮啦！口水汁手撕雞上面有少少雲耳絲～酸酸甜甜相當開胃，雞肉滑嫩燒牛舌呢個真係必叫！佢係薄脆版牛舌，口感係外脆內煙銀～少少孜然粉已經好惹味！原隻燒筒魷魚咁睇應該都見到隻魷魚幾大隻！又香又吸引！香口唔過熟～泰式鳳爪～又係酸甜開胃菜！魷魚唔夠喉仲叫多個魷魚鬚腳🤣呢種就燒得脆口啲！叫咗蒜蓉燒蠔同芝士燒蠔～一睇就知大大隻而且好多香料～濃味之選！仲有麻辣，朋友話都幾好食！懶健康咁要埋韭菜同茄子☺️☺️過足串燒癮！最想講嘅就係佢個水果茶！原本我哋四個人唔知道一樽咁大咋，仲叫咗四杯🤣🤣一杯真係有成個人頭咁大杯。好清楚見到入面有蘋果橙薄荷葉等等相當足料
生日飯約咗朋友食烤魚！本身超期待，點知嗰日我哋太夜去到冇晒烤魚😭最終就食咗酸菜底嘅大雜燴不過都十分之滿足！
酸菜湯底本身已經相當濃厚，上面加嘅配菜譬如係海帶芽菜絲豬紅等等就超級索味！！
唔滿足嘅我哋當然叫埋啲串燒同埋小食來過足口癮啦！
口水汁手撕雞
上面有少少雲耳絲～酸酸甜甜相當開胃，雞肉滑嫩
燒牛舌
呢個真係必叫！
佢係薄脆版牛舌，口感係外脆內煙銀～少少孜然粉已經好惹味！
原隻燒筒魷魚
咁睇應該都見到隻魷魚幾大隻！又香又吸引！香口唔過熟～
泰式鳳爪～又係酸甜開胃菜！
魷魚唔夠喉仲叫多個魷魚鬚腳🤣呢種就燒得脆口啲！
叫咗蒜蓉燒蠔同芝士燒蠔～一睇就知大大隻而且好多香料～濃味之選！仲有麻辣，朋友話都幾好食！
懶健康咁要埋韭菜同茄子☺️☺️過足串燒癮！
最想講嘅就係佢個水果茶！原本我哋四個人唔知道一樽咁大咋，仲叫咗四杯🤣🤣一杯真係有成個人頭咁大杯。好清楚見到入面有蘋果橙薄荷葉等等相當足料
張貼
