影片
更多
2016-12-12
234 瀏覽
住喺紅磡附近一直都好想試吓，咁岩有朋友生日就同佢去食飯。原來睇真啲價錢都唔係好貴，仲聽講同日本嘅丼丼亭品質一樣咁高，真係令人好期待呀。都幾欣賞店內裝修，好好表現日本餐廳嘅乾淨，燈嘅設計仲好特別，整體黎講都好有日本風格！飲品叫左菠蘿藍莓沙冰，真係好好飲，估唔到菠蘿同藍莓會咁夾，好fresh，令我諗起沖繩嘅菠蘿哈哈。刺身拼盤上碟，目測有光澤，都幾新鮮，兩個人食就啱啱好，唔錯唔錯。有三文魚，三文魚籽，帆立貝，油甘魚同拖羅，附上紫菜包住三文魚籽，好鮮甜嘅魚油味好正。帶子好甜好新鮮嗚嗚好好食啊。見好多人都叫左天婦羅，我地都比人燒著左，就叫左個拼盤。附上天婦羅汁同海鹽，好奇就問下店員點食先好味。原來海鹽會吊到海鮮天婦羅嘅鮮味出黎，仲提醒我地一係點海鹽一係點天婦羅汁。我二話不說就夾左隻蠔黎食，好有驚喜，一d都唔腥，仲好鮮甜好juicy。另外日本蕃薯都係我最愛！之後就有個長腳蟹shabu shabu，松葉蟹海鮮湯底。好多隻蟹腳插住係個鍋到好壯觀，價錢唔貴而且好足料，仲有剪刀提供好貼心。鍋入面仲有其他海鮮例如青口同帶子，菜嘅份量都好夠，又有豆腐同其他配料，係健康嘅火鍋啊！我覺得兩個人share黎食其實都
住喺紅磡附近一直都好想試吓，咁岩有朋友生日就同佢去食飯。原來睇真啲價錢都唔係好貴，仲聽講同日本嘅丼丼亭品質一樣咁高，真係令人好期待呀。
都幾欣賞店內裝修，好好表現日本餐廳嘅乾淨，燈嘅設計仲好特別，整體黎講都好有日本風格！
飲品叫左菠蘿藍莓沙冰，真係好好飲，估唔到菠蘿同藍莓會咁夾，好fresh，令我諗起沖繩嘅菠蘿哈哈。
刺身拼盤上碟，目測有光澤，都幾新鮮，兩個人食就啱啱好，唔錯唔錯。有三文魚，三文魚籽，帆立貝，油甘魚同拖羅，附上紫菜包住三文魚籽，好鮮甜嘅魚油味好正。帶子好甜好新鮮嗚嗚好好食啊。
見好多人都叫左天婦羅，我地都比人燒著左，就叫左個拼盤。附上天婦羅汁同海鹽，好奇就問下店員點食先好味。原來海鹽會吊到海鮮天婦羅嘅鮮味出黎，仲提醒我地一係點海鹽一係點天婦羅汁。我二話不說就夾左隻蠔黎食，好有驚喜，一d都唔腥，仲好鮮甜好juicy。另外日本蕃薯都係我最愛！
之後就有個長腳蟹shabu shabu，松葉蟹海鮮湯底。好多隻蟹腳插住係個鍋到好壯觀，價錢唔貴而且好足料，仲有剪刀提供好貼心。鍋入面仲有其他海鮮例如青口同帶子，菜嘅份量都好夠，又有豆腐同其他配料，係健康嘅火鍋啊！我覺得兩個人share黎食其實都幾抵。
個frd叫左苦瓜豚肉釜飯，本人唔係好鐘意苦瓜，但呢碗苦瓜飯一d都唔苦，焗到甘甘甜甜咁，又幾好味架喎，仲有埋飯焦添，加分！
生日飯點可以無蛋糕，叫左個朱古力蛋糕。細細𥖁好精緻下，雪到好凍好正。朱古力味超濃郁細緻，鐘意朱古力嘅朋友一定會好鐘意。
總結一下，呢間店無論食物定服務質素都好好，性價比不錯！我一定會再黎食啊！
張貼
