影片
更多
2015-07-23
342 瀏覽
因為生日既原故，想搵一間可以靜靜地食下飯、飲下酒既地方輕鬆下、吹下水...我朋友搵下搵下，就搵到一間近地鐵站上樓既新餐廳，朋友搵得咁辛苦當然唔可以推啦，我地一行4人膽粗粗就上左黎...一打開lift門"嘩左一聲，酒吧係中間架"，好特別好靚，因為我媽咪係度，所以我地要求坐梳化，所以我地被帶到最入既梳化位，但得兩個可以坐梳化，我同另外個朋友坐既櫈好有形格，好靚，因為鋁既質地，但比較凍😅😅！我地先叫左支白酒賀一賀我生日先，但我地又唔識咩白酒好飲喎，所以叫個Waiter介紹，個Waiter好有禮貌問我地鐘意飲甜定無咁甜，我地話鐘意甜甜地，到最後個Waiter介紹左呢支Moscato，好好飲呀，我媽咪自己飲左半支😂😂😂！入正題了，先黎兩個湯，一個Onion Soup同Bisque，我地share黎飲，因為驚一人一個飲完都飽哂，本人覺得個洋蔥湯好飲過蝦湯，因為有芝士中和個洋蔥濃味👍！然後我地叫左個Octopus Salad，呢個好味，平時食果D八爪魚沙律出哂水，但呢個好爽口好煙韌👍！跟住main course我地叫左Braised Short Rib、4 Cheese Pizza！先講個Rib好冧
因為生日既原故，想搵一間可以靜靜地食下飯、飲下酒既地方輕鬆下、吹下水...
我朋友搵下搵下，就搵到一間近地鐵站上樓既新餐廳，朋友搵得咁辛苦當然唔可以推啦，我地一行4人膽粗粗就上左黎...
一打開lift門"嘩左一聲，酒吧係中間架"，好特別好靚，因為我媽咪係度，所以我地要求坐梳化，所以我地被帶到最入既梳化位，但得兩個可以坐梳化，我同另外個朋友坐既櫈好有形格，好靚，因為鋁既質地，但比較凍😅😅！
我地先叫左支白酒賀一賀我生日先，但我地又唔識咩白酒好飲喎，所以叫個Waiter介紹，個Waiter好有禮貌問我地鐘意飲甜定無咁甜，我地話鐘意甜甜地，到最後個Waiter介紹左呢支Moscato，好好飲呀，我媽咪自己飲左半支😂😂😂！
入正題了，先黎兩個湯，一個Onion Soup同Bisque，我地share黎飲，因為驚一人一個飲完都飽哂，本人覺得個洋蔥湯好飲過蝦湯，因為有芝士中和個洋蔥濃味👍！
然後我地叫左個Octopus Salad，呢個好味，平時食果D八爪魚沙律出哂水，但呢個好爽口好煙韌👍！
跟住main course我地叫左Braised Short Rib、4 Cheese Pizza！先講個Rib好冧好入味，D配菜同薯容好味到我地洗哂碟！而個Pizza一攞到黎已經聞到好香既芝士味，但覺得重口味左，可能我唔鐘意食Blue Cheese既關係，但我個朋友食到無停口🙈！
最後我地因為有飲酒，所以叫多兩個炸物，一個係最普通既Fish Fingers & Chips，薯條無咩特別，但果條魚手指D魚肉好滑，好似新鮮魚肉整出黎！另外一個係Fried Oyster，未上枱時擔心炸完之後係粒蠔屎，點知佢不但不是蠔屎，仲好Juicy！
呢餐生日飯好滿意，因為去一間從未去過既餐廳食飯，出黎既感覺比我地當初選擇既心態"不防一試"出奇的好！而佢地有咁靚既裝修，亦有相對既食物質數，價錢亦算合理，每人都係$350，都算係抵！
張貼
