影片
更多
2015-11-04
2976 瀏覽
人少少嘅生日飯局。因為之前訂左位，所以去到唔使等就可以入坐喇。呢間餐廳門口有地方泊車，就算唔係住附近如果想揸車去嘅，都有地方泊，泊車費30蚊，會加埋入食嘢張單度，唔使分2次畀。食乜主角話事!先黎一個 caesar salad with fish cakes. 雖然佢寫係 “fish cakes” 但係在坐4個人食落都話似食蝦肉多過似魚肉，夠味都幾彈牙，沙律菜就簡單地係沙律菜，唔使講。呢個叫 “meat balls cheese dumplings” 非常好食，啲迷你 dumplings 好煙韌，有得咬，個肉丸用蕃茄醬煮好少會出事嘅，當然呢碟嘢一定要上枱即食，熱辣辣啲芝士拉出絲先係好食!跟住就上招牌菜 pork knuckle, 老實講，如果你一心想黎食呢碟招牌菜嘅話一定要叫啤酒 (要渣車冇得飲 T_T )! 因為佢本身係用烤炸嘅方法去煮，所以做出黎係比較乾身，如果齋食冇 drinks 送，食2舊你就會覺得封喉唔想食。值得一提嘅係佢墊底嘅椰菜絲會幫手去油，夾埋舊豬手一齊食 fresh 啲。好難先KO得晒隻豬手，要食番啲甜品平衡下!呢個蘋果卷我個人覺得肉桂味重手左，搞到唔多食到蘋果味。全晚
呢間餐廳門口有地方泊車，就算唔係住附近如果想揸車去嘅，都有地方泊，泊車費30蚊，會加埋入食嘢張單度，唔使分2次畀。
食乜主角話事!
先黎一個 caesar salad with fish cakes. 雖然佢寫係 “fish cakes” 但係在坐4個人食落都話似食蝦肉多過似魚肉，夠味都幾彈牙，沙律菜就簡單地係沙律菜，唔使講。
呢個叫 “meat balls cheese dumplings” 非常好食，啲迷你 dumplings 好煙韌，有得咬，個肉丸用蕃茄醬煮好少會出事嘅，當然呢碟嘢一定要上枱即食，熱辣辣啲芝士拉出絲先係好食!
跟住就上招牌菜 pork knuckle, 老實講，如果你一心想黎食呢碟招牌菜嘅話一定要叫啤酒 (要渣車冇得飲 T_T )! 因為佢本身係用烤炸嘅方法去煮，所以做出黎係比較乾身，如果齋食冇 drinks 送，食2舊你就會覺得封喉唔想食。值得一提嘅係佢墊底嘅椰菜絲會幫手去油，夾埋舊豬手一齊食 fresh 啲。
好難先KO得晒隻豬手，要食番啲甜品平衡下!呢個蘋果卷我個人覺得肉桂味重手左，搞到唔多食到蘋果味。
全晚嘅重點黎喇，話明係生日飯點可以冇蛋糕架! 呢個 Baked Alaska 係出乎意料之外咁好食，以為佢只不過係普通蛋糕加點火?! 錯喇! 佢個涵係雪糕加綠茶味蛋糕，個雪糕嘅味唔係街買嘅味，好正!
個人味精指數: 唔多覺
張貼
