影片
更多
2020-11-02
616 瀏覽
之前睇過喱騷節目介紹Un o，自己一直心郁郁想試下，今日係機會啦！朋友話請我食生日飯，我就提議食Un o😝餐廳枱與枱之間擺放和風氣息十足既板，令環境仍然維持濃厚既日式氛圍。同時又可以達到衛生既效果。我同朋友叫二人晚餐，總共$1480。前菜係蔬菜沙律同花螺。- 牡丹蝦什錦刺身刺身包括鰹魚、牡丹蝦、蓮子魚同池魚。最令我印象深刻係鰹魚同牡丹蝦，前者外皮稍為燒過，令魚油更突出，味道意想不到地甜美。至於牡丹蝦味道爽甜帶軟糯口感，餘韻悠長。- 三貫壽司🍣分別係金目鯛、赤見同深海池魚。金目鯛呈淡淡既樱花粉紅色，油香超重，口感非常幼嫩，中間既赤貝鮮甜爽脆。深海池魚肉質比刺身食既池魚更細緻，味道甜美帶少少油份。師傅預先係每件壽司放上適量既芥末，另外壽司醋飯比較細份，鬆軟度適中，唔會太容易散開，好食既醋飯令壽司更上一層樓🔝- 銀鱈魚西京燒魚皮又黏又脆，銀鱈魚非常入味，甜甜地令人停唔到口，肉質結實，唔會一夾就散，絕對係成功中既成功🤣- 日本和牛外皮焦香，粉嫩既和牛非常吸引，一食個下油脂甘香既味道完全散發，不斷係口腔中徘徊，好味到令人手舞足蹈😋。- 茶碗蒸頂層既海膽將茶碗蒸完全升級😝，蒸蛋非常滑口，入面仲有菇
我同朋友叫二人晚餐，總共$1480。
前菜係蔬菜沙律同花螺。
- 牡丹蝦什錦刺身
刺身包括鰹魚、牡丹蝦、蓮子魚同池魚。最令我印象深刻係鰹魚同牡丹蝦，前者外皮稍為燒過，令魚油更突出，味道意想不到地甜美。至於牡丹蝦味道爽甜帶軟糯口感，餘韻悠長。
- 三貫壽司🍣
分別係金目鯛、赤見同深海池魚。金目鯛呈淡淡既樱花粉紅色，油香超重，口感非常幼嫩，中間既赤貝鮮甜爽脆。深海池魚肉質比刺身食既池魚更細緻，味道甜美帶少少油份。
師傅預先係每件壽司放上適量既芥末，另外壽司醋飯比較細份，鬆軟度適中，唔會太容易散開，好食既醋飯令壽司更上一層樓🔝
- 銀鱈魚西京燒
魚皮又黏又脆，銀鱈魚非常入味，甜甜地令人停唔到口，肉質結實，唔會一夾就散，絕對係成功中既成功🤣
- 日本和牛
外皮焦香，粉嫩既和牛非常吸引，一食個下油脂甘香既味道完全散發，不斷係口腔中徘徊，好味到令人手舞足蹈😋。
- 茶碗蒸
頂層既海膽將茶碗蒸完全升級😝，蒸蛋非常滑口，入面仲有菇同蝦粒，材料豐富。
- 蜆湯
味道比一般麵豉湯清甜，唔會過鹹，每碗湯仲有一隻大蜆😍
- 山野菜烏冬
即係蔬菜烏冬，不過烏冬煮得太稔，無咩煙韌口感，但好飽肚。
最後以梨同紅豆雪糕作結，用餐時間大約90分鐘，餐廳逐一將菜式呈上，菜式之間唔會等得太耐。$1480既二人套餐聽落有啲貴，不過我覺得和牛同壽司已經值回票價😚
值得一題係餐廳唔收開瓶費，實在非常難得😍
張貼
