影片
更多
2021-07-15
1369 瀏覽
小妹為慶祝老友生日於是上星期喺OpenRice book咗於7pm 二位（因為朋友話呢間火鍋好吃指定生日食呢一間)由於當日我早到，所以我就坐咗喺reception 等待，大約6:40 職員優先安排我入座，並兩次表示計時間七點開始食到九點，當時我覺得佢哋嘅服務相當貼心，之後我和朋友都食得好開心，但係到差唔多八點時候，就有職員埋嚟問我哋你哋仲有冇嘢要加，冇嘅話就交返張枱出嚟，當時我哋仲食緊野並表示我哋暫時冇嘢要追加，1分鐘之後又再問同一個問題，我哋又表示冇嘢要加，有唔夠1分鐘有另外一個職員又走來問我哋仲冇嘢要加冇嘅話就要8:30交枱，因為佢哋有六位客人要入座，又問有冇野要加，如是者前後足足問咗我哋四次，都要我哋交枱，但係當時都係八點鬆啲，但訂枱注明用膳時間係2 小時， 我哋只係食咗一個鐘頭多啲，而且我哋仲未食完。到8:10左右佢哋直接過嚟交低張單俾我哋，但係我哋從來冇叫過埋單㗎，職員放低張單2分鐘之後再過嚟攞返起我哋張單睇下我哋有冇放低現金或者信用卡埋單，當下我哋立刻表示不滿，職員表示只係諮詢我哋，並唔係強制（但係頭先佢哋嘅行為同態度明顯係強制），見我哋不滿才態度放軟，表示可能另一位職員溝
由於當日我早到，所以我就坐咗喺reception 等待，大約6:40 職員優先安排我入座，並兩次表示計時間七點開始食到九點，當時我覺得佢哋嘅服務相當貼心，之後我和朋友都食得好開心，但係到差唔多八點時候，就有職員埋嚟問我哋你哋仲有冇嘢要加，冇嘅話就交返張枱出嚟，當時我哋仲食緊野並表示我哋暫時冇嘢要追加，1分鐘之後又再問同一個問題，我哋又表示冇嘢要加，有唔夠1分鐘有另外一個職員又走來問我哋仲冇嘢要加冇嘅話就要8:30交枱，因為佢哋有六位客人要入座，又問有冇野要加，如是者前後足足問咗我哋四次，都要我哋交枱，但係當時都係八點鬆啲，但訂枱注明用膳時間係2 小時， 我哋只係食咗一個鐘頭多啲，而且我哋仲未食完。到8:10左右佢哋直接過嚟交低張單俾我哋，但係我哋從來冇叫過埋單㗎，職員放低張單2分鐘之後再過嚟攞返起我哋張單睇下我哋有冇放低現金或者信用卡埋單，當下我哋立刻表示不滿，職員表示只係諮詢我哋，並唔係強制（但係頭先佢哋嘅行為同態度明顯係強制），見我哋不滿才態度放軟，表示可能另一位職員溝通上有誤會，我哋可以坐到9:00而且送甜品俾我哋，當時我哋都已經好失望唔開心，原本好地地嘅生日飯搞到我哋好唔好開心，亦都冇心機再食落去，所以我哋拒絕咗甜品兼且埋單，有趣但係，到我哋買完單之後，清潔姐姐走來執枱，竟然問我哋仲食唔食呀，我朋友好無奈地表示：你地唔係一直都要趕我哋走咩，而家我哋咪走囉，交返張枱出嚟，你仲問我哋食唔食？我同姐姐講其實我都好想繼續食落去㗎，姐姐笑笑口就冇再出聲.
#人生未試過打邊爐打得一個鐘
#人生未試過打邊爐打一半就俾人趕走
#人生未試過打邊爐「被埋單」
#如果我係茶餐廳食，職員要求我交枱我會即刻配合
#兩位七百幾蚊，如果係打兩個鐘頭嘅邊爐唔係貴，但係得一個鐘就
#清潔姐姐最後一問簡直神來之筆
張貼