鉄人旨花

營業中

休息中

幫家姐慶祝生日同佢食餐好嘅，佢鍾意食鐵板燒，網上搵到呢間餐廳有好多好評，即管一試。餐廳好近銅鑼灣地鐵站，樓上店地方特別闊落，鐵板燒枱以半圓形設計，一台大約六至八個客人可以睇住師傅煮鐵板燒，呢度有好幾款套餐，店員介紹近排象拔蚌非常新鮮，所以家姐決定放棄佢最愛嘅龍蝦，揀咗白象拔蚌套餐。前菜首先有新鮮沙律開開胃，之後師傅送上燒到香香脆脆嘅鵝肝，唔好理膽固醇問題，鵝肝味道好香龍，外脆內軟真係好好味。主菜就係呢碟白象拔蚌，見到師傅落咗清酒牛油去煮，煮嘅時間唔會好耐，上碟聞到震震嘅清酒香，入口好鮮甜，口感比較爽身，而且份量都唔少，店員果然冇介紹錯，同平時食中菜普通打邊爐象拔蚌，個分別真係好唔一樣，口感同味道都更上一層樓。令一主菜就係和牛，黃中入口即溶，濃濃嘅牛肉味道，個陣牛味食完之後仲喺口腔入邊，真係非常回味。食完兩樣咁重口味嘅主菜，上返一道白蘆筍沙律，清一清口腔，再食埋師傅即炒嘅黃金炒飯，飯粒粒分明，好乾身好好味。最後佢想一碗帶子清雞湯，好鮮甜。再食埋甜品實在好滿足，非常完美嘅一餐，最緊要壽星家姐都好滿意。