影片
更多
2009-04-08
33 瀏覽
有老友生日，乘機一棚人約埋食番餐，雖然得7個人，但有個6人餐睇落D餸菜又啱食，份量都應該夠，所以就費事諗就扑鎚叫哩個魚翅海鮮餐：花膠竹笙燴魚翅、蒜片煎牛柳粒、避風塘大海蝦、濃湯粒粒泡翡翠、雲腿片蒸倉魚、蔥油走地雞、野菌上素包，包埋甜品（南瓜西米露）同生果盤，因為係生日飯，再追加多半打壽包嚟賀一賀。本來個餐仲送2支啤酒，因我哋無人好所以換汽水，但佢哋只可以1支啤酒換得2罐汽水咁大把，有D唔抵，而且，仲要計番前菜、菜芥、加一，埋單都成八舊半（已經折扣埋），所以計吓計吓又唔算話好平！- 花膠竹笙燴魚翅，唔錯喎，當然唔好期望佢D翅好大好粗，但花膠同竹笙都算幾足料，唔會話得三幾條扮個樣。- 蒜片煎牛柳粒就做得好好，因為牛柳粒牛肉味濃，又夠蒜香。- 避風塘大海蝦亦都正，海蝦新鮮彈牙，避風塘炒法加添惹味。- 濃湯粒粒泡翡翠，話叫濃湯，但「淡茂茂」喎，所以哩個菜真係麻麻哋。- 雲腿片蒸倉魚，蒸魚都做到基本功，倉魚蒸得既嫩且滑，不過係無乜雲腿嘅鹹香，感覺只係將兩者放埋一切，自各修行，食味上有D分離。- 蔥油走地雞，OK啦，起碼唔係雪雞有鮮雞味，但唔算突出。- 野菌上素包，反而做得好對辦，一來野菌做餡夠健
- 花膠竹笙燴魚翅，唔錯喎，當然唔好期望佢D翅好大好粗，但花膠同竹笙都算幾足料，唔會話得三幾條扮個樣。
- 蒜片煎牛柳粒就做得好好，因為牛柳粒牛肉味濃，又夠蒜香。
- 避風塘大海蝦亦都正，海蝦新鮮彈牙，避風塘炒法加添惹味。
- 濃湯粒粒泡翡翠，話叫濃湯，但「淡茂茂」喎，所以哩個菜真係麻麻哋。
- 雲腿片蒸倉魚，蒸魚都做到基本功，倉魚蒸得既嫩且滑，不過係無乜雲腿嘅鹹香，感覺只係將兩者放埋一切，自各修行，食味上有D分離。
- 蔥油走地雞，OK啦，起碼唔係雪雞有鮮雞味，但唔算突出。
- 野菌上素包，反而做得好對辦，一來野菌做餡夠健康有益，二來包身超鬆軟，唔黐牙！
- 壽包，同野菌上素包一樣有水準，除咗蓮蓉香而不「漏」唔太甜之外，再配埋個南瓜西米露，變成甜品孖寶，再者個西米露添加咗南瓜蓉，南瓜味好出，層次多咗，食起上哩多添一份好感。
環顧服務都唔錯，係咁啱隔離間咗1/3個大堂俾一個團體租咗搞活動，唱K之餘又玩遊戲，好嘈，我哋傾偈都要同佢哋鬥大聲至聽到，食完都覺得有D失聰添！可能心情都有少少影響，連D相都影得差過平時！
張貼
