影片
更多
2006-11-16
6 瀏覽
今年o既生日飯, bf 一早有定案但係就冇話比我知去邊度食, 到左山頂, 本來諗住去食日本野, 點知就原來係隔離果間中式酒家。因為一早訂左位, 有窗邊位坐, 可惜今晚勁落雨山頂煙霧彌漫, 乜都睇唔到, 好失望。我地無叫套餐, 亦都無叫大閘蟹野食, 跟menu揀左d 野一齊食, 有: 花彫醉雞(雞脾一隻無乜特別, 雞唔夠醉味, 食唔出花彫, 比較普通無大驚喜) 紅燒雞絲生翅(好味, d翅好多下, 仲好彈牙, 份量也不算少, 值得一試) 金箔海膽炒鮮奶(金箔海膽加鮮奶是一個特別的配搭; 金箔雖然多但係無乜味道. 海膽熟左之後反而失去左原身既鮮味; 三樣炒埋反而似賽傍蟹. 不過其他地方少見炒鮮奶, 都中規中矩啦) 太極雙翡翠(好多蟹肉, 好多瑤柱, 份量好大碟; 不過草菇鹹左些少, 拿來餸飯就非常好.) 蟹粉窩貼4 隻(大閘蟹當造季節食品, 表面看比較油, 但咬落去有小籠包的湯汁, 喜歡吃蟹粉小籠包但又覺得無乜新意就可以試下) 飯後甜品, 叫了: 桂花紅豆糕(總共有3 層桂花糕兩層紅豆蓉互相相間的夾在一起, 好味. 價錢亦不貴; 桂花味很香.) 燕窩香芒布甸(中規中矩,
我地無叫套餐, 亦都無叫大閘蟹野食, 跟menu揀左d 野一齊食, 有:
花彫醉雞(雞脾一隻無乜特別, 雞唔夠醉味, 食唔出花彫, 比較普通無大驚喜)
紅燒雞絲生翅(好味, d翅好多下, 仲好彈牙, 份量也不算少, 值得一試)
金箔海膽炒鮮奶(金箔海膽加鮮奶是一個特別的配搭; 金箔雖然多但係無乜味道. 海膽熟左之後反而失去左原身既鮮味; 三樣炒埋反而似賽傍蟹. 不過其他地方少見炒鮮奶, 都中規中矩啦)
太極雙翡翠(好多蟹肉, 好多瑤柱, 份量好大碟; 不過草菇鹹左些少, 拿來餸飯就非常好.)
蟹粉窩貼4 隻(大閘蟹當造季節食品, 表面看比較油, 但咬落去有小籠包的湯汁, 喜歡吃蟹粉小籠包但又覺得無乜新意就可以試下)
飯後甜品, 叫了:
桂花紅豆糕(總共有3 層桂花糕兩層紅豆蓉互相相間的夾在一起, 好味. 價錢亦不貴; 桂花味很香.)
燕窩香芒布甸(中規中矩, 沒有甚麼特別...喜愛吃芒果的不如留著肚子過對面杏花樓吃楊枝金露)
野食收得咁既價錢, 質素同預測既就差唔多, 亦有一些特別菜式給人驚喜; 至於服務方面比一些五星酒店的服務更好, 可以說有六星水準. 唯獨職員以英語介紹菜式方面仍有待改進; 我見阿離桌兩個外國人同侍應有點雞同鴨講的情況出現, 這在"山頂"這個地方遇到我就覺得比較奇怪.
最後環境方面, 桌與桌中間顯得太狹窄, 闊落一些可以避免聽到鄰桌的對話.
張貼
