小南國 (已結業)

因為就生日，朋友仔幫我慶生原本想食pizza express，無奈我病左無咩胃口，於是就轉食相對較清淡既中國菜。叫左一渣雪梨茶，好潤喉！野食陸續上。首先上左紅燒肉，個人不喜食腩肉，但呢個幾好味，唔會太濃／太淡，恰到好處。之後係蛋白炒飯，好好味！唔油！雖然係炒係感覺唔熱氣。担担面，辣，但唔係單調果隻辣，都可以。沙鍋雲吞雞，病中我我無食到雞。雲吞一般，個湯有小小油，但幾甜。叫左個菜，無咩特別好食／唔好食，純粹健康點。小籠包，呢個真係正！推介！朋友請客唔知幾錢，會有下次。