Felix

營業中

休息中

生日同屋企人去咗半島felix慶祝。Felix餐廳係喺半島一邊有架專用升降機直上的。一入到餐廳，就比佢嘅高樓底氣派所吸引。入面裝修非常之靚。而且menu係用ipad的，真係又高級又新潮。講返食物，其實都冇咩特別preference，所以就叫咗個體驗之旅。首先係個叫Tomato Foam 嘅頭盤，類似分子料理，佢用番茄做成唔同嘅元素組合埋一齊，非常開胃。跟住係Breakfast，係模仿早餐嘅粟米片，但係其實係磨菇湯加脆麵包加鴨肝，味道非常濃郁。之後就係BBQ，係6成熟嘅牛柳，真係入口即溶，肉汁非常豐富。最後甜品就加咗支蠟燭喺上面，非常之有驚喜。呢餐真係好滿足，希望有機會再食。