全記海鮮菜館

營業中

休息中

今日啊媽生日，佢話想食海鮮，今日佢大曬，佢話食咩咪食咩囉。啊嫂話全記味道唔錯而且d海鮮好新鮮喎。甘餐晚咪嚟咗全記囉。晚上好多人，等咗十幾分鐘先有位，環境衛生都可以，服務過得去。雞睇落好淡色，但好入味，而且夠曬瘦身皮又薄，食落唔會老，嫩滑得嚟唔會帶血。花甲鍋氣好夠，肉質鮮甜，味道喺好好，花甲好細只，只只都開，不過唔見有幾多肉囉。清蒸海上鮮喺鯧魚，蒸嘅時間啱啱好，肉質嫩滑而且鮮甜，調製嘅味道啱啱好，唔會太淡又唔會太鹹。芝士龍蝦伊，龍蝦喺原只開邊，都幾大只，好厚肉，原本龍蝦都夠曬鮮甜，加埋芝士仲更加鮮美，整只龍蝦肉都喺香濃嘅芝士味，又入味食落口感好好。伊面吸咗龍蝦同芝士味，香滑且彈牙，唔會好稔，喺好長嘅一條條。蒜蓉粉絲蒸扇貝，扇貝大細適中，肉質鮮甜彈牙而且好夠味，冇沙。粉絲都唔錯，好入味。椒鹽瀨屎蝦好大只好肥美，上檯果時煎開一舊舊，肉質好實好新鮮，夠味唔會太鹹。清蒸鮑魚，鮑魚都幾大只，望落好普通，食落鮮甜爽口，不過鮑魚唔喺好入味。白灼海螺唔單外表大只，而且螺肉都好厚身，肉質鮮甜爽口又彈牙，白灼原汁原味，食落感覺比其他做法更加鮮味。油菜冇咩特別，都幾新鮮下。