都會自助餐廳 (已結業)

生日飯唔知食乜好，就上網搵下，因爲想食蠔所以搵下酒店自助晚餐，見逸東都幾平(折咗400以下)，不過一入到去都幾失望，放食物嘅地方一眼睇晒，生蠔係最細嘅品種，放十隻八隻响度比你攞，長腳蟹一啲都唔似長腳蟹又細又短，其他食物種類少之又少，兜完個圈都唔知有乜好食？相都無乜影，壽司放得幾舊，啲菜唔係太新鮮，熟食選擇真係太少，問侍應有冇飲品佢唔識答我，可能係新嚟同真係無乜飲品攞，成程只係飲水。不過可能淡季同人少關係，當我去唔啱時候啦！