彩福皇宴 (已結業)

幫朋友慶祝生日幫佢，佢又忙，於是去左銅鑼灣彩福皇宴近近地慶祝。閒日7點黎到，唔使等位，可直接入場，個場都坐左8成滿，閒日黎講都幾旺場，我們人數不多，直接點了個北京烤鴨及櫻花蝦帶子海鮮炒飯就算了。烤鴨用了十分鐘便上桌，都幾快手，而且店員會在食客前方會切鴨肉，感覺新鮮感十足，一食落去，已經熱騰騰，再接著便是鴨肉味，再加上京蔥及青瓜的搭配，岩岩好，而且份量都多，感覺4人食都足夠。炒飯則用上了蝦及元貝，味道亦很好，元貝散切混入飯中，感覺更入味，而且同時用上了海蝦及櫻花蝦，令口感更多層次，唔錯。成餐飯大約$400，銅鑼灣地區黎講，都幾化算。