Van Gogh SENSES (已結業)

今日慶祝生日，訂咗尖沙咀嘅VAN GOGH SENSES食dinner~一來到以為呢度只係賣餐具同cake嘅地方，dinner嘅地方原來要經過出面嘅鋪面再入，沿途可以見到梵高嘅作品同畫作，就連餐碟等嘅用品都有啲pattern~叫咗set dinner, 首先係醃製三文魚配柚子珍珠及血橙醬，三文魚厚身，加上柚子珍珠好開胃，有少少酸酸味味咁。龍蝦湯配意大利雲吞及綠豌豆，上菜時店員直接用茶壺倒出來，口感好rich，不過如果再熱啲就perfect~而且意大利雲吞真係脆卜卜，綠豌豆亦好嫩，好爽～香煎鱸魚配蜆肉、日本香菇及魚肉清湯，鱸魚香口，一啲都唔油膩，而且面頭嘅魚皮炸得好乾身，薄得來好脆。底下嘅香菇唔會有臭青味西班牙豬梅頭配芹菜蓉，芹菜蓉幾好食，同豬梅頭好夾，略嫌豬有啲乾同overcook~士多啤梨清湯配羅勒果凍及香醋珍珠，女仔一定好鐘意食呢道甜品，食落似雪葩，酸酸甜甜，加埋入口就爆開嘅珍珠，口感好豐富！飲品點咗法式焦糖牛奶咖啡同熱情的烏龍茶，前者好有特色，面頭係燒過嘅焦糖，做法同焦糖燉蛋一樣，甜度適中；後者飲落芳香，靜靜地，飲完可以加茶，清清味蕾，唔錯！