莊館 (已結業)

兩位好朋友話要同我食生日飯，叫我揀地方，佢哋成日叫我餐廳小霸王，但其實我都係上網搵咋嘛！平時因為屋企人都唔喺香港所以比較少食中餐，今次想食下中餐所以就揀咗John Anthony。環境昏暗好有格調，成個氣氛都幾熱鬧，都幾適合一班人聚會。食物終於黎啦，其實食物嘅份量真係比我想像之中少，鍾意抵食夾大件嘅話就唔啱嚟呢度。可能我真係比較大食，唔嗌多幾樣一定唔會飽。基本上我同朋友想食嘅都叫曬，幾乎每道菜都有驚喜，我最唔睇好嘅西瓜配牛面頰竟然係我覺得最出彩！牛筋流心蛋超軟超入味。叉燒好肥美，如果可以多啲就好，真係仲想再食。仲有呢個煙燻雞真係好嫩滑好入味，皮脆肉嫩仲有淡淡煙熏味，好滋味。總體來講呢間餐廳比我想像之中出色，但係份量真係偏少，希望以後會有更加多新菜式，一定會再返去食。