GOCHISO (已結業)

係尖沙咀行完街又有啲肚餓，決定今年既生日飯係到慶祝～餐廳主要食意大利菜，裝潢有西方既味道，舊式既木枱櫈等等都好傳統。當日我地2人叫左一個拼盆、牛油果煙三文魚pizza、忌廉野菌扁意粉。頭盆既拼盆有好多小食，Parma ham, cold cut,燒牛肉等等，的的色色，最岩一人一件食小小開下胃，熱下身。Pizza上碟夠熱，邊有焦香，係用火爐焗，上面既配料亦足夠，啖啖都食到煙三文同牛油果。意粉就正常，無乜特別。最後緊係食個cremè bulee去結束我既生日天啦～ 燉蛋好有蛋香，加埋面頭即燒既焦糖食，簡簡單單既食身已經好足滿