La Postre (已結業)

店員服務細心，有禮，有耐性，係最重要的加分位。主打食招牌菜，幾乎每枱都有的西班牙海鮮飯，話係二人份，如果唔叫其他野食，呢碟飯兩個人都食唔晒。賣相靚，多海鮮，睇見都開心。飯，煮得比較軟身，有點可惜。必須注意，飯係辣的，如果怕辣，未必啱食。芝士煎蟹餅，切開發現係雞蛋批底，放六隻蟹箝、芝士同鰹魚片，一定要趁熱食，好飽肚。將雜果麻糬窩夫當做生日蛋糕非常適合，訂枱時同店員講聲，就會加塊生日牌仔上去，窩夫可以自己拆開變心形餅，sweet sweet。雜果唔係用大路生果，麻糬煙韌配脆皮窩夫，加埋綠茶雪糕，整體感覺非常良好。至於西班牙炒麵包酥，只係記得入面啲香腸粒好惹味。Cappuccino啤啤熊拉花咁可愛，滿足度高過叫酒飲。