竹屋日本料理 (已結業)

星期六晚同朋友幾個人去呢間竹屋食飯，之前有朋友試過佢地lunch話ok，所以今次就一行六人book間房，傾下計輕輕鬆鬆食飯，以前慣左食放題"以order多為原則，講真好少去比較食物質量，但今次呢間日式串燒作主打餐廳，大家就以慢歎加兩杯日本清酒作飲聚，入正題我地叫waiter幫我地點左幾樣佢地店中最多人食串燒同壽司，大至上都覺得ok唔錯，以串燒大蝦、同羊扒為例起碼每個order都真係可以熱辣辣、香噴噴咁拎埋，再加上一路飲日本清酒，其間有位日本廚師走入我地房問係咪有人生日，我地就齊齊指著壽星女，之後呢位日籍廚師就用魚生、壽司砌左個生日蛋糕出，呢個就係我地成晚最大驚喜...!!當晚食飯大家都好開心!整體上來講餐廳裝修都算ok，不過對於我地講始終最大驚喜都係呢位廚師!