佳記甜品 (已搬遷) 新店位置

終於食到B仔涼粉! 人人都話黎元朗一定要食B仔，雖然近年都聽到d人話覺得呢間野嘅野食言過其實，不過都係想試下! 元朗呢間B仔比我想像中大好多，入面有好多位，雖然星期六嘅下午都有好多人，不過好彩唔使等位。 黎得緊係要叫碗B仔涼粉試下啦。開頭見到81蚊都嚇一嚇，但睇番佢個size又真係好大碗下，最好係同班friend黎share，一個人食真係會太多。呢碗B仔涼粉堆滿左啫喱、蒟蒻同埋各式各樣嘅水果，包括桃、西瓜、哈蜜瓜、蜜瓜、菠蘿、龍眼、荔枝、香蕉、木瓜、奇異果，而涼粉就沉左底，要食左面嘅生果先會食到涼粉，仲有一碗椰汁可以按自己喜好加入。其實成個感覺就好似食緊雜果宴，感覺係幾健康，但涼粉就好似變左配角咁。 另外仲叫左腸粉，正常味道，無話特別好食/唔好食。