正宗上海生煎皇 (已結業)

我好鐘意食上海菜，上海生煎皇算係價錢合理，而且食物質素又可以接受嘅餐廳～食物選擇幾多元化：每次黎都會點生煎包或者小籠包：上海生煎包（$32）生煎包同小籠包都即叫即蒸，所以每次都熱辣辣，多人嘅話有機會等成20分鐘🙈個底比較硬，但覺得幾好味👍🏻.灌湯小籠包（$33）最梗要係個皮唔厚唔硬～呢度嘅小籠包都唔差，間唔中會食到啲冇湯嘅，不過好彩唔係成日發生。其實冇加一又有位坐都算幾抵～呢個價錢黎講，我對食物質素都好滿意。