堅信號上海生煎皇 (花園街) (已結業)

喺旺角做完嘢突然想食上海菜 講起上海菜就諗起.....🤔🤔最愛嘅生煎包 小籠包少不免🥟大家決定去食堅信號 以前佢唔係叫呢個名但係唔記得咗😂坐低後二話不說點左兩個生煎包♥️底部香脆內裏多肉汁 要慢慢品嚐 唔係會爆汁辣親條利😅 小籠包皮薄餡靚 多汁每人食兩粒唔夠喉差啲想叫多一籠📢紅油抄手算大粒 有成六粒一碟醬汁不算很辣 味道適中✔️蒜泥白肉切得非常之薄 巧手工白肉浸在醬汁中 蒜味濃🔸啱晒重口味嘅朋友 仲有川粉墊底 夠晒飽厚切豬扒配菜飯🟢豬扒口感似叉燒 味道調校得啱啱好配埋菜飯食好有健康既感覺😂😂😂豆漿唔算太甜 豆味濃為晚餐畫上完美的句號 平價上海菜性價比高 份量充裕走嗰陣時叫多兩隻小籠包外賣返屋企食🙆🏻🙆🏻‍♀️