明記 • 潮鍋 (已結業)

係旺角既一間打邊爐，價錢唔貴，而且火鍋配料都幾大份，店內設有魚缸提供多款新鮮海鮮。平日晚就唔算好多人，假日就最好book位✨至尊海鮮套餐B $338/位🌟東瀛刺身拼盤 (4款)刺身款式每日唔同，今日係三文魚、油甘魚、北寄貝、八爪魚，三文魚同油甘魚都好食，幾厚切肥美。🌟波士頓龍蝦海鮮盤(10款)套餐既主角係呢個海鮮盤，包咗4款海鮮同6款廚師發辨海鮮盤本身有波士頓龍蝦、鮮活鮑魚、蟶子王同大元貝，另外6款廚師發辨包括白鱔片、基圍蝦、紐西蘭青口、貴妃蚌、魷魚同螺。海鮮盤真係好大盤仲好新鮮，蝦同鮮活鮑魚上到黎都仲會郁。波士頓龍蝦同鮑魚肉質爽彈，龍蝦仲有膏。元貝好大粒鮮味十足，蝦肉唔梅好爽，白鱔片唔算厚切，外皮靭少少，魚肉爽口有口感。🌟招牌湯底套餐連埋湯底，揀咗胡椒豬骨湯鍋，湯鍋好足料，仲有幾舊豬骨🌟手切牛肉 $138手切牛肉幾抵食，呢個係以套餐優惠價加，份量都算多，牛肉油花幾靚，肉質軟滑🌟潮州包心貢丸$30包心貢丸咬開多汁🌟營養粟米餃$40餃子都幾大粒，皮唔厚，但味道唔係好啱我🌟雜菜 $38雜菜估唔到大份，仲要咁平，有6-7款蔬菜。🌟醬料 $10🌟茶位 $12每位另收醬料費同茶位。