一直對打邊爐同雞煲冇抗拒力👉🏻👈🏻
今次食呢間雞煲火鍋放題 仲有早鳥優惠😏
今次同朋友都收工收得好早 所以就啱晒啦
望到份Menu見到放題都好多選擇🤩
4
6
雞煲前有新鮮刺身送上 有四個款式🍱🍣
個人最喜愛甜蝦同埋魷魚 好好味 真係好新鮮
魷魚好彈牙😗
之後有門鱔連骨魚皮 炸得好脆😙
佢同平時街邊買嘅魚皮好唔同
呢個真係新鮮炸 有埋骨 可以食得落肚嘅骨😝
跟住仲有時令燉湯 係燉雞湯🫖
雞湯湯好清澈 鮮甜 感覺好養生😌
份量都唔少 兩個人飲 都飲咗好多杯
跟住就係主角出場 雞煲🥘
勁多芫荽 正
辣度可以自己決定😋
雞肉好鮮嫩
店員仲幫手炒下 避免痴底 好貼心💕
下一道就係火鍋登場🍲
可以揀湯底
我哋揀咗椰子湯底 夠滋補🥥
一滾起 椰子雞味道攻去個鼻 真係忍唔住畢返幾啖飲先
活海鮮拼盤已經放咗喺隔離俾你打卡🦐🦞🦀🐙
真係好新鮮 好豪華
又鮑魚又龍蝦又蟹 真係好闊綽
鮑魚仲要識郁架 超新鮮呢😳
新鮮海鮮真係唔洗任何調味都已經好好味
之後仲有個手切安格斯牛🐄
食完呢堆仲可以叫放題😍
餐牌後所有野都可任叫😍
佢有好多海鮮類都可以再點 唔似出面其他餐廳只可點普通肉同丸
我地再點鮑魚聖子果d 大滿足😌
仲可以加錢嗌其他海鮮
食左瀨尿蝦🤩推薦👍🏻佢拎出黎果刻仲係勁生猛
之前淨係食過炒 冇食過就咁焯
原來勁鮮甜🤤
