蠔點 (已結業)

舖頭雖然細細，但係食物質品質一流，生蠔非常新鮮，有好多唔同國家既生蠔，而且每款都各有鮮味，個人覺得韓國蠔雖然比較細隻，但係就好鮮甜，蠔味好耐都未散，而且價錢唔算貴，$398已經有一打，不過係包$36既蠔，如果揀貴過$36既就補差價，但係最估唔到就係意粉原來仲好食，櫻花蝦好香，明太子就非常足料，味道超濃意粉又有口感，飲品亦都唔算貴，叫左一杯白酒都係$60~不過舖頭唔大所以座位並唔多，全場加埋都係得十幾個位，所以下次再食穩陣起建book定位會安全啲，如果人多就更加需要book定枱~而且職員又會好耐心咁逐式生蠔介紹，好明顯係真係對生蠔有研究並唔係求其亂咁答，整體對呢間餐廳既服務同食物品質都十分滿意