Starry Night (已結業)

朋友有喜慶事慶祝, 請我去銅鑼灣食任食生蠔, 先上餐湯，忌廉周打蜆湯， 材料都多, 有蜆肉，同蘑菇片。前菜是黑糖麵包配煙三文魚。黑糖麵包有輕微甜味，夾埋煙三文魚食。店員好快幫我地Set 好生蠔盆, 枱上一個火山形的器皿, 先放乾冰在中間再放水, 呈現火山煙, 再放一盤韓國生蠔響上面，視覺一大享受。冇食過韓國生蠔, 原來可以咁鮮甜, 而且尺寸都大隻, 好肥美，海鮮盤還有海螺和海蝦，蝦肉彈牙。之後店員問要唔要上埋第二round 的南非生蠔, 服務好好,南非尺寸相對細隻啲, 但口感嫩滑。主菜, 點了美國西冷牛扒, 薄薄地容易食, 唔會韌, 配了薯角。再來羊架, 上枱已聞到好香, 肉質鮮嫩。小食叫了炸魚薯條, 炸魚係魚手指, 外脆內軟, 炸至金黃色, 沾上沙律醬, 好味。餐廳中間還有幾個遊戲, 啱晒來Happy Hour , 飲下野, 玩下既上班一族。