Marco's buffet (已結業)

朋友在網上見到這間荃灣絲麗酒店惠顧自助晚餐有75折優惠，平時原價都是$238，折扣後$200都不需，而且有生蠔任食，即刻訂位約我們出去試一試。平日晚上都全部爆滿，幸好有先見之明一早訂位。生蠔要排隊，每次只限取兩隻，不過由開始到收工都無間斷供應，真的要比個like給開蠔的店員，開得很快，等了一陣就排到，而且生蠔質素不俗，跟外邊$500位的buffet差不多，肥美鮮甜，食蠔都可以回本啦！另外每位會送一隻大閘蟹，蟹膏多而且鮮味。燒牛肉肉質嫩滑，約有七成熟，牛肉味尚可，不過要一出就沖出去，否則就好快清倉。沙律款式都有幾款，應有的都有，但不算太吸引，味道不過不失。有pizza、多士等等，前者太乾太硬，後者不感興趣。其他的如肥牛金菇、燒蠔、炒芥蘭、豬腳、糯米飯等等，吸引度一般，味道尚可。甜品中芝士蛋糕味道最好，不會太甜且夠幼滑，還有西瓜等，款式不多。這個價錢包生蠔已經超值，雖然食物款式不多，但性價比高，而且質素不錯，當約埋三五知己食餐飯。