The Luxe Seafood Bar & Resto (已結業)

係OPEN RICE度睇到D食評，見到好多人upload手機咁大隻既生蠔，搞到我好期待，帶埋Daddy Mammy黎一齊食，結果好失望。生蠔只係普通size，我望左好多轉都無驚喜，亦唔覺有分美國日本，可能我唔識啦。食落好多沙，不過好彩唔腥，都算新鮮既。而生蝦刺身好唔掂，霉既，一剝就知，咬一啖就更唔想食。除左生蝦刺身，就只有三文魚刺身，仲要輪流咁出，位置係生蠔附近，refill得好慢。熟食有呢款即整既奄列，幾唔錯，幾好。其他熟食樣樣試左Ｄ，係覺得個辣豬手辣得黎又幾好食，同埋辣蟹唔錯，但就剩返晒Ｄ蟹鉗，現場又唔多覺有工具食，難怪。甜品都好一般，但個豆腐花幾滑，屋企人有encore。其他都好一般。綜合黎講，只有90分鐘食好傖促，食物款式的確少，無乜選擇，湯都只有雜菜湯，仲要refill得好慢，好似唔夠人手咁。 如果同樣比200幾蚊為左食蠔，我寧願去八幡屋食日本放題加錢，至少有帶子刺身先。