The Oyster House (已搬遷) 新店位置

星期日又係出街食好啲啲嘅時候。今日決定去灣仔食生蠔。間餐廳叫做 The Oyster House，一聽個名都知係食生蠔㗎啦。咁通常食生蠔當前頭盤，之後都係食西餐。生蠔今晚試咗三款，分別係日本嘅Tomo，另外兩隻法國：Lambert，但另外一隻係Today Special，唔記得咗個名😅三隻中反而日本蠔鹹味最重，但鹹完之後很快就有甜味出，After taste亦長久，裙邊又爽脆，好食。另外Lambert就金屬味最重，還有淡淡的青瓜味，海水味亦濃。最後的Today Special就介乎兩者之間，鹹甜味都平衡，但餘韻就不是太長。第二道頭盤就點咗烤日本帶子配野菌木魚絲，帶子是用刺身級，所以沒有烤到全熟，裡面仍然帶生，令口感不會太死實，而木魚絲及野菌又出奇地合襯，起了特別的化學作用。再嚟就飲返兩個湯暖吓胃先，分別點咗黑松露野菌忌廉湯及鮮蠔濃湯。通常黑松露湯味道都好濃郁，但今次反而比鮮蠔濃湯搶過風頭，因為蠔味實在太出眾，喜歡食蠔嘅朋友實愛死🤩主菜就點咗廣島蠔·脆巴馬火腿米型意粉。呢個意粉口感好特別，根本就係米粒嘅口感，但係用意粉造成。而用嚟煮嘅汁同鮮蠔濃湯一樣濃郁，但仲更加杰身，裏面又有廣島蠔，再