牡蠣酒場 (已結業)

今晚同朋友聚會去左呢到，環境寛敞，一入門口就見到有生蠔吧，放左唔同地方生蠔，坐低之後店員細心介紹食物。令和之怪物大大隻，口感爽口，海水味濃。醃帆立貝薄切片帆立貝薄切之後加左三文魚籽和刁草，帆立貝鮮鮮爽口，加左酸汁同橄欖油，味道清新。牛舌厚切，入口爽脆，咬開牛肉味濃。熊本縣產雞心，好少地方有得食，食落彈牙，無腥味。海膽忌廉意大利麵海膽係馬糞海膽，味道鮮甜，忌廉滑身，芝士味道濃，意大利麵煮得軟硬適中，醬汁creamy美味。唐揚小海老炸漿好薄，連蝦殼都炸到脆卜卜，可以食埋，爽口彈牙。