Feast Oyster Bar and Restaurant (已結業)

生蠔癮發作🦪，問朋友有咩好介紹，話呢間位於中環街市旁邊的oyster bar 做緊放題任食，包精選三款不同國家新鮮生蠔🦪任食，仲有大量高質佐酒小食。餐廳設有沙發🛋️雅座，同時都有四人枱，鋪面不算大，但都可容納多人聚會🎈。海洋盛宴（HKD 668) 120 分鐘任食先黎頭盤：包括飽滿珍珠蜆、BB仔咁細無咩味既藍青口、清酒漬鮑魚、爽彈實肉玫瑰蝦。同埋時令三款生蠔🦪分別係法國/愛爾蘭/韓國🇰🇷。呢個餐包左吾同既生蠔同埋小食外，仲可以叫一客主菜，可簡海鮮🦞/ 牛扒🥩。回曬本！我地簡左芝士焗龍蝦🦞，芝士好香，焗得剛剛好，龍蝦肉質扎實，連埋蝦膏食，香到不得了。牛油蒜蓉焗蟶子好新鮮爽彈，絕對冇揸流攤。 當日法國蠔礦物味重，比較之下比較淡味，愛爾蘭個款真係好似將成個海洋吞咗咁，夠晒鹹，連海水都飲埋。韓國個款比較長身同飽滿，加入點點醋，整隻蠔食到清甜回甘味，三款都各有秋千。小食方面大推炸美式洋蔥圈、炸得好乾爽，不油膩食落仲好甜。避風塘單骨雞翼應該用氣炸鍋炸似脆香雞翼，仲有必食回本位日本酒漬孔雀南非鮑魚！每一粒都咁清甜帶酒香！絕對唔可以睇小印尼沙嗲串，嫩滑燒至焦脆，其沙嗲醬汁正宗帶有花生香味。總結：高質生蠔