影片
更多
2022-11-30
32 瀏覽
以前以為生酮期間好難出去食嘢，就算出去食都會盡量揀一啲健康嘅餐廳，不過碳水、澱粉類、糖類、隱形碳水真係好難避免，倒不如直接去一間以生酮為主打嘅餐廳啦🥰 就好似呢間位於大角咀嘅生酮餐廳the Engine，店內提供唔少快餐，所以話生酮又駛乜對自己咁苛刻😆例如低碳漢堡、PIZZA、沙律、椰菜花飯、小食等，Menu仲要好貼心咁寫曬每樣食物嘅營養資料，包括卡路里、蛋白質、脂肪、碳水化合物含量，真係生酮嘅福音，食都食得特別放心呢✨餐廳主要係做外賣，用咗太空科技嚟做主題，店內有大量cyber元素，仲有大大個飛機嘅引擎可以打卡😚煙三文魚煙肉牛油果沙律大大片三文魚舖喺沙律上面，毫不手軟💥吸引之處在於每款食材獨特嘅味道都好出，牛油果醬嘅味道打開味蕾同食慾，同煙三文魚嘅咸香好夾，再淋上酸酸甜甜嘅黑醋好開胃，沙律面仲有條狀嘅天貝，令沙律風味更加獨特，整個沙律含有好豐富嘅蛋白質同優質脂肪，當作生酮日常主食十分適合😎金文畢芝士牛肉漢堡麵包底嘅漢堡食得多，無麵包嘅漢堡都係第一次試，原來係用咗大大片嘅金文畢芝士當做漢堡包嘅皮同底🧀經過烤香嘅金文畢芝士熔熔哋，夾住漢堡肉、青瓜、番茄同生菜，味道十分清新。值得一提係漢堡
以前以為生酮期間好難出去食嘢，就算出去食都會盡量揀一啲健康嘅餐廳，不過碳水、澱粉類、糖類、隱形碳水真係好難避免，倒不如直接去一間以生酮為主打嘅餐廳啦🥰 就好似呢間位於大角咀嘅生酮餐廳the Engine，店內提供唔少快餐，所以話生酮又駛乜對自己咁苛刻😆例
如低碳漢堡、PIZZA、沙律、椰菜花飯、小食等，Menu仲要好貼心咁寫曬每樣食物嘅營養資料，包括卡路里、蛋白質、脂肪、碳水化合物含量，真係生酮嘅福音，食都食得特別放心呢✨
餐廳主要係做外賣，用咗太空科技嚟做主題，店內有大量cyber元素，仲有大大個飛機嘅引擎可以打卡😚
煙三文魚煙肉牛油果沙律大大片三文魚舖喺沙律上面，毫不手軟💥吸引之處在於每款食材獨特嘅味道都好出，牛油果醬嘅味道打開味蕾同食慾，同煙三文魚嘅咸香好夾，再淋上酸酸甜甜嘅黑醋好開胃，沙律面仲有條狀嘅天貝，令沙律風味更加獨特，整個沙律含有好豐富嘅蛋白質同優質脂肪，當作生酮日常主食十分適合😎
金文畢芝士牛肉漢堡麵包底嘅漢堡食得多，無麵包嘅漢堡都係第一次試，原來係用咗大大片嘅金文畢芝士當做漢堡包嘅皮同底🧀經過烤香嘅金文畢芝士熔熔哋，夾住漢堡肉、青瓜、番茄同生菜，味道十分清新。值得一提係漢堡肉帶有焦香及肉汁，啲肉汁同芝士互相融合，配合埋蔬菜一齊食仲可以解膩，一啲都唔乾㗎🤲
炸牛腩配合桃及意大利黑醋其實要炸牛腩都真係幾高難度，因為牛腩本身好易韌，如果火候掌握都唔好會破壞一切🥺而呢款炸牛腩真心做得好好，酥炸後嘅牛腩牛味濃郁，軟腍得嚟有咬口，而黑醋嘅酸味正好中和炸牛腩嘅油膩感，配埋健康補腦嘅合桃，惹味十足💕
香辣腰果芝麻醬牛肉丸一啖一粒嘅牛肉丸口感紮實，感覺真材實料🤭牛肉丸外層焦香加上牛肉丸嘅肉香，就咁食都已經好好味，經過腰果芝麻醬嘅加持，味道得以昇華，濃郁嘅腰果芝麻醬令人欲罷不能，香而不膩！
低糖蜜桃烏龍梳打
茶飲中加入碳酸元素幾特別，烏龍嘅茶香好有存在感，入口首先係烏龍茶嘅清香然後有蜜桃嘅甜香走出嚟🍑一次過可以品嘗到兩種唔同層次嘅感覺。另外我鍾意梳打嘅氣泡比較柔和，唔似平時碳酸飲品嘅氣泡咁刺激，口感清爽解渴一流。
張貼
