五感日常 (已結業)

我平時既興趣就係最鍾意發掘新或者特別既餐廳，最近經過中環發現左一間主打蒟蒻麵同飯既專門店【五感日常】，低碳水既蒟蒻最適合想控制體重的人仕。餐廳以木系裝修非常舒服，食物都有好多選擇，有湯麵、撈麵、五目炒飯、沙律、小食等等。 自家手打墨魚餅撈蒟蒻麵：手打墨魚餅非常彈牙，分量都算多。撈麵汁酸酸有D柚子味好香好開胃，不過覺得蒟蒻麵分量有D少。 烤豬頸肉蒟蒻飯：都係豬頸肉分量好多，而蒟蒻飯係五目炒飯，有好多料、分量正常。個人比較推蒟蒻飯，口感同普通飯都好似。 蒜香牛油鷄翼：蒜香味十足，不過外賣個皮軟左，係現場食應該會好脆 自家手打蝦餅：非常彈牙、蝦味濃、而且好多蝦 桃香烏龍冷泡茶：非常清新