影片
更多
2023-08-16
27 瀏覽
是咁的，有個肥仔同事要減肥。Me：咁你lunch食咩？阿肥：唔食澱粉質，去買啲豬手同鴨胸。Me：吓😦咁你減乜鬼肥。阿肥：呢期興生酮keto呀，食肉食脂肪戒糖減肥法，食住瘦，你識條鐵咩！啲靚女，瘦到成碌熊貓見到都無胃口嘅竹咁，食嘢前都要啪粒丸仔話阻隔油脂。個肥仔，反其道而行，米芝蓮人咁款反而話食肉食脂肪。我睇唔透，所以去透視一下佢邊到買豬手、鴨胸。鵝頸橋底條街有間肉檔叫《一豚豬手專門店》，黑椒、滷水豬手$108隻，德式焗鴨胸$25件，韓式焗春雞$88隻，韓燒豬頸肉$79半磅，滷水豬肚$108一個⋯⋯ 真係冚嘭唥都係肉，仲要好香，我極度懷疑個肥仔所謂減肥只係口號，食好西先係真諦。Any肥，買完外賣返到公司， 趁個肥仔去pantry拎coke Zero，我好人做到底，偷偷地幫佢分擔少少滷水豬手同埋德式焗鴨胸。唔試猶自可，一試幾把慾火，I mean食慾之火。啲鴨胸嘅油脂聞落香噴噴、食落軟稔稔。正所謂送佛送到西，為佢減肥大計着想，我決定捱義氣，幫佢食多兩嚿。至於招牌滷水豬手，有𡁻頭但又唔嘥牙力，嫩滑到起晒膠，四字以蔽之：齒頰留香。本來想再幫輕下個肥仔，夾多兩嚿，但逐漸感受到地板傳嚟黎克特制級嘅震
是咁的，有個肥仔同事要減肥。
Me：咁你lunch食咩？
阿肥：唔食澱粉質，去買啲豬手同鴨胸。
Me：吓😦咁你減乜鬼肥。
阿肥：呢期興生酮keto呀，食肉食脂肪戒糖減肥法，食住瘦，你識條鐵咩！
啲靚女，瘦到成碌熊貓見到都無胃口嘅竹咁，食嘢前都要啪粒丸仔話阻隔油脂。個肥仔，反其道而行，米芝蓮人咁款反而話食肉食脂肪。
我睇唔透，所以去透視一下佢邊到買豬手、鴨胸。
鵝頸橋底條街有間肉檔叫《一豚豬手專門店》，黑椒、滷水豬手$108隻，德式焗鴨胸$25件，韓式焗春雞$88隻，韓燒豬頸肉$79半磅，滷水豬肚$108一個⋯⋯ 真係冚嘭唥都係肉，仲要好香，我極度懷疑個肥仔所謂減肥只係口號，食好西先係真諦。
Any肥，買完外賣返到公司， 趁個肥仔去pantry拎coke Zero，我好人做到底，偷偷地幫佢分擔少少滷水豬手同埋德式焗鴨胸。
唔試猶自可，一試幾把慾火，I mean食慾之火。啲鴨胸嘅油脂聞落香噴噴、食落軟稔稔。正所謂送佛送到西，為佢減肥大計着想，我決定捱義氣，幫佢食多兩嚿。
至於招牌滷水豬手，有𡁻頭但又唔嘥牙力，嫩滑到起晒膠，四字以蔽之：齒頰留香。本來想再幫輕下個肥仔，夾多兩嚿，但逐漸感受到地板傳嚟黎克特制級嘅震動，腳步聲亦由隱約聽到變成震耳欲聾，我就知道好人始終難做。
2 瀏覽
0 讚好
0 留言
後記：我google咗個肥仔所謂嘅食肉減肥法，原來真有其事，所以聽日我會照板煮碗買返一盒豬手同鴨胸俾佢。同時間，買多份俾自己重溫舊夢，但會加飯，滷水豬手拼豬大腸飯先$38，加多$8仲有鴨胸做小食，有肉有飯先至食得過癮！
1 瀏覽
0 讚好
0 留言
張貼
