牧羊少年咖啡館 (德福廣場1期)

營業中

休息中

之前坐月只可以中餐同埋飲補湯已經有啲悶，所以一到咗一百日就出去同朋友食餐好嘅😉牧羊少年食咗好多年，但係德福呢間真係未食過，不過可能我對牧羊少年嘅認知係牧羊少年浮萍嗰間，所以對自己個期望要調整少少。講吓嘢食嘅部份先其實個二人餐四百幾蚊有咁多嘢係抵嘅，個人認為個冬蔭工場通粉非常惹味同埋佢嘅海鮮係足料嘅，呢個就算我散叫都會叫一碟俾自己食。主菜個燒排骨好入味同埋啖啖肉，基本上唔需要食晒都已經飽。咁多樣嘢裏便我稍為覺得焙茶心太軟焗得太耐，因為佢冇咗流心個感覺，但係焙茶嘅香味十分之濃郁，配提子冧酒味雪糕十分之夾。