富記海鮮酒家

營業中

休息中

其實真係都已經有一段時間冇去南丫島，難得今日陽光普照，咁就一於跟班朋友去郊遊！講起南丫島一定俾人聯想到要食海鮮，而朋友極力推薦富記海鮮酒家，佢哋真材實料，火喉十足，每一道海鮮都超新鮮，超好味，而且服務態度真係非常友善！冰鎮芥辣鮑魚：真係令人回味無窮！生拆蟹肉雞蓉冬瓜羮：冬瓜清甜解暑，配合生拆蟹肉，口感非常鮮味！椒鹽鮮魷：鬆脆可口！上湯鮮海蝦伊麵：蝦汁帶出伊麵嘅鮮甜！薑蔥炒藍蟹：鑊氣十足，蟹肉彈牙！清蒸海班/陳皮蒸金古：真係新鮮到唔使多講！炸子雞：食得出係用新鮮雞吊燒，皮脆肉嫩！其他小菜：菠蘿咕嚕肉、黃金茄子、椒鹽豆腐、蝦醬通菜亦都水準十足！今次南Y島之行，品嘗到呢個海鮮餐，真係大大滿足！