拳王泰國餐廳 (已結業)

平時已經鐘意食泰國野嘅QT，一到左夏天一熱我又會條泰國癮發作！會好想食泰國野～ 想就要走食囉！所以甘岩QT打算去北角睇畫展，睇之前就落銅鑼灣搵下泰國野食先，我發現next to 一蘭有間新野開左！正正係泰國野～ 如果唔係因為食物香味撲鼻而來，我會以為佢係一間拳館😎 因為佢嘅裝潢有好多打拳嘅野，有埋沙包🙄 ，入到去有識講廣東話嘅泰國人侍應帶我同男朋友坐好～ 食泰國野緊係要叫生蝦啦、炒貴刁同冬陰公湯啦！甘先最易食到質素正唔正宗同埋好唔好食！生蝦一到，男朋友嘩左聲～ 因為好Q大假😱 而且入口好新鮮 ～ 個生蝦汁比起好多外邊嘅泰式餐廳冇甘酸但酸d超開胃 。 好快冬陰公湯到~ 由色澤見到湯好有厚度唔係水到清清嘅，飲落有好滑口同香濃嘅椰奶味，酸度都岩岩好， 好開胃唔會好辣而且用料十足，用嘅係大虎蝦仲要有蝦膏！蝦嘅肉質都好彈牙！最後嘅炒貴刁都鑊氣十足條條分明冇好油！如果花生碎多一點更好！