HMV Kafé (已結業)

本身我已經好鍾意行HMV，佢開埋Cafe我梗係要去捧場啦！行到肚餓上去食又得，食到好飽落番去行亦得！其實我好鍾意佢嘅設計！今日有幸遇上有live Band嘅表演，正呀，👂在聽👀再睇👅在吃，氣氛好好！我地叫咗一份rib eye、一個香草汁長通粉。扒餐配薯條，係脆卜卜架，佢嗰漿好特別架，好配合啲薯條，食到停唔到口！塊扒就好軟熟，好容易就可以跟紋理切開，講起都想再去食！我地已經有咁大塊扒，梗係叫個素啲嘅食下啦，香草汁長通粉就啱啦，感覺上健康啲，冇咁油膩。長通粉嘅眼到啱啱好唔會太林，啲汁入哂長通粉個窿，啖啖都充滿香草味！嘆番杯啤酒，人生一大享受！