影片
更多
2022-06-08
9 瀏覽
得上次友人帶我黎呢間以大痳二酚CBD作主題嘅多國菜餐廳，令我對CBD入饌長知識若果唔需要可以落單時注明，不過黎得嘅當然想試下，食完可以放輕鬆吓但又唔會令你上癮。今次黎發現餐牌上有D新菜式，就好似呢客韓式甜辣炸鷄 ($78)，一籃子上枱入口夠晒熱，味道偏甜少辣，鷄肉幾嫩口，一啖一舊，用黎送凍飲都唔錯。食緊炸雞之際，侍應送上哈里薩辣鷄墨西哥薄餅 ($88/2件)辣鷄件係用上來自北非嘅哈里薩辣醬調味，加上少少沙律菜用墨西哥薄餅包住食，帶點辣度，幾狂野，又有少少微酸味，幾惹人胃口，食完成件都幾飽肚。主菜方面，今晚唔食肉類，改攻海鮮類拼碳水化合物 :白酒金不換蜆肉意大利麵 ($138)原隻蜆舖滿碟邊，蜆肉無沙幾甜; 有口感意粉掛上辣椒香蒜油，就咁單食都幾好味，份量都唔少，都算幾抵食。日式芥末忌廉香煎廣島蠔闊條麵 ($158)四隻肥嘟嘟嘅廣島蠔每面一隻，蠔味幾濃; 仲有少少三文魚籽係闊條麵，每條闊條麵都沾上忌廉醬汁，增加香滑感。甜品時間到..............................法式橙酒可麗餅伴雲呢拿雪糕 ($88)以雜莓作裝飾，"浸"係橙酒上嘅可麗餅入面偶爾食到橙皮，香甜可口，
若果唔需要可以落單時注明，不過黎得嘅當然想試下，食完可以放輕鬆吓但又唔會令你上癮。
今次黎發現餐牌上有D新菜式，就好似呢客韓式甜辣炸鷄 ($78)，一籃子上枱
入口夠晒熱，味道偏甜少辣，鷄肉幾嫩口，一啖一舊，用黎送凍飲都唔錯。
食緊炸雞之際，侍應送上哈里薩辣鷄墨西哥薄餅 ($88/2件)
辣鷄件係用上來自北非嘅哈里薩辣醬調味，加上少少沙律菜用墨西哥薄餅包住食，帶點辣度，幾狂野，又有少少微酸味，幾惹人胃口，食完成件都幾飽肚。
主菜方面，今晚唔食肉類，改攻海鮮類拼碳水化合物 :
白酒金不換蜆肉意大利麵 ($138)
原隻蜆舖滿碟邊，蜆肉無沙幾甜; 有口感意粉掛上辣椒香蒜油，就咁單食都幾好味，份量都唔少，都算幾抵食。
日式芥末忌廉香煎廣島蠔闊條麵 ($158)
四隻肥嘟嘟嘅廣島蠔每面一隻，蠔味幾濃; 仲有少少三文魚籽係闊條麵，每條闊條麵都沾上忌廉醬汁，增加香滑感。
甜品時間到..............................法式橙酒可麗餅伴雲呢拿雪糕 ($88)
以雜莓作裝飾，"浸"係橙酒上嘅可麗餅入面偶爾食到橙皮，香甜可口，加埋雲呢拿雪糕伴食就再增加邪惡度。
睇睇下今晚呢個餐，包括韓國，北美，意大利，日本及法國特色都有，一晚用味蕾遊走幾個國家..........哇哈哈~
仲有呢度星期一至四全日有八五折優惠架~~
張貼
