KS Cafe (已結業)

早個幾星期睇到朋友大讚一間cafe，佢話「店子雖小，但有五星級的享受」。既然講到咁就即刻問佢拎地址，哈哈。Cafe位於天后，一出地鐵站兩至三分鐘就到。一坐底就有暖水飮，未聽人介紹有咩好食，我就飲暖水先，因為外面落雨又有啲凍，我都知失禮咗少少；有暖水飲特別窩心。店內有花草佈置，感覺舒服。雖然係L型，但都唔會覺得擠迫。忌廉炸蝦餅，剛炸起的蝦餅配上新鮮沙律菜，蝦餅唔會太油而且係蝦蓉，香脆可口，感覺有啲似薯餅。大蒜薯蓉忌廉湯，清甜美味，唔會太膩。意式香草包，一放上枱已經聞到香味，配湯一齊食仲正。香蒜煙肉牛油焗原條龍利，我都係第一次食原條龍利咋，唔係好多骨，睇落去好扁咁，但係好多肉，而且唔會好乾身。比利比利燒春雞（半隻），獨特醬料令整隻雞嘅味道更突出，肉質嫩滑。熱檸茶，暖入心。最後點少得甜品，由於太飽所以叫咗一份share。朱古力千層蛋糕，餅底脆，朱古力味香濃。仲有一個大亮點就係朶玫瑰花，係士多啤梨嚟㗎，靚呀。朋友話服務好好，呢個真係要俾個like，店員一見到我杯水就快飲完就即刻幫我加水，又會問下啲嘢食啱唔啱口味，服務態度一百分唔少得。