影片
更多
2013-01-02
10 瀏覽
2013年第一個開工日，心血來潮試下公司附近既一間新開拉面店。舖面細細，坐位一字排開，真係同係日本見到果d拉面店一樣格局，都係食完就走。雖然係新開，但食晏時間都已經坐無虛席。係門口等左5分鐘左右，係等既期間侍應會幫你落左order，係省時又貼心既服務。坐低之後，先送上一杯綠茶。好多地方都會提供茶/綠茶，點解要係度特別提起呢??因為佢既綠茶係特別濃，濃得黎又唔會苦，不過係凍茶，如果可以選擇冷熱會更好。我同同事分別order左一碗鹽味同一碗醬油味拉面，另外俾多$10蚊加一隻蛋。侍應姐姐話鹽味會淡d;醬油就濃味d.佢有分細碗同大碗，我開頭都係度諗，到時有幾大分別呢?? 直至隔離枱個客叫左個大既，我先知原來大碗係多一塊紫菜同一塊肉。碗面一上枱，woo~~賣相好靚!! 先試左一啖鹽味既湯，雖然侍應話比較淡，但只係小試一啖湯已經feel到好濃既湯底。同出面其他拉面店好唔同，好真材實料。再試一啖醬油湯，嘩~~濃到有d杰既感覺，但都好好味。試一啖面，好爽口呀!! 正正係我鍾意既口感~~ : 不得不提既係...果塊肉灑左D 黑椒係面，真係特別香味，好好味呀!!出面好多地方都會跟足日本一樣，可以選擇面
舖面細細，坐位一字排開，真係同係日本見到果d拉面店一樣格局，都係食完就走。
雖然係新開，但食晏時間都已經坐無虛席。係門口等左5分鐘左右，係等既期間侍應會幫你落左order，
係省時又貼心既服務。坐低之後，先送上一杯綠茶。好多地方都會提供茶/綠茶，點解要係度特別提起呢??
因為佢既綠茶係特別濃，濃得黎又唔會苦，不過係凍茶，如果可以選擇冷熱會更好。
我同同事分別order左一碗鹽味同一碗醬油味拉面，另外俾多$10蚊加一隻蛋。侍應姐姐話鹽味會淡d;醬油就濃味d.
佢有分細碗同大碗，我開頭都係度諗，到時有幾大分別呢?? 直至隔離枱個客叫左個大既，
我先知原來大碗係多一塊紫菜同一塊肉。
碗面一上枱，woo~~賣相好靚!! 先試左一啖鹽味既湯，雖然侍應話比較淡，但只係小試一啖湯已經feel
到好濃既湯底。同出面其他拉面店好唔同，好真材實料。再試一啖醬油湯，嘩~~濃到有d杰既感覺，但都好好味。
試一啖面，好爽口呀!! 正正係我鍾意既口感~~ : 不得不提既係...果塊肉灑左D 黑椒係面，真係特別香味，好好味呀!!
出面好多地方都會跟足日本一樣，可以選擇面既軟硬，雖然呢度都係日本師傅主理，但呢度就無得選擇既。
我同同事都好滿意呢碗拉面，食到一半，我地開始加枱面上既醬料，分別係黑椒油同辣椒油，加左入碗面有唔同感覺，
更加香....大家不妨一試。雖然叫細碗，食下食下都好飽，女士們切勿一時衝動叫大碗呀!!
唔知係咪岩岩開始經營，其中一個師傅會問食客對食物既滿意程度，其間聽住師傅介紹另一款拉面，叫意大利蕃茄拉面。
我都疑惑左一陣，點解日本拉面店要用意大利蕃茄呢?? 原來師傅對食物來源有好高要求，蕃茄一定要用意大利蕃茄，每日
用40個蕃茄煮20碗拉面，買唔到意大利蕃茄就唔煮，果然~~ 有要求先有高質素既出品!! 我就咁聽....都好期待~~下次黎既
話一定要試下個蕃茄面!!
張貼
